O mercado Nadalmente Lucense continúa enchendo a Praza Maior de Lugo de maxia e actividades para toda a familia
20 diciembre, 2024
A cafetería do CEI Nodus reabre con éxito tras a súa adxudicación e volve a ofrecer servizo aos usuarios do centro e á cidadanía lucense
3 enero, 2025O mercado Nadalmente Lucense pecha a súa programación coa visita do emisario real e propostas para toda a familia
Xogos tradicionais, obradoiros de manualidades, exhibicións musicais e encontros con personaxes infantís serán protagonistas desta última fin de semana.
O Mercado de Nadal conta con casetas decoradas, iluminación especial e un horario amplo: de 11:00 a 14:30 horas e de 16:30 a 21:00 horas.
O mercado Nadalmente Lucense chega á súa recta final con actividades pensadas para que pequenos e maiores desfruten dun Nadal cheo de maxia e ilusión. O emisario real estará presente durante esta última fin de semana de programación, recollendo as cartas dos nenos e nenas para os Reis Magos e compartindo momentos únicos con eles.
O edil de Dinamización Económica, Mauricio Repetto, destacou o valor desta inciativa: “Con esta programación de peche queremos que as familias de Lugo vivan momentos especiais durante o Nadal, ao tempo que apoiamos o comercio local, tan importante para a economía da cidade”.
Un nadal máxico na Praza Maior
O mercado Nadalmente Lucense, situado na Praza Maior, permanecerá aberto ata o 5 de xaneiro, en horario de 11:00 a 14:30 horas e de 16:30 a 21:00 horas, ofrecendo un espazo decorado con encanto e actividades para todos os públicos.
