O Concello potencia o labor do CEI Nodus, que apoiou 400 proxectos empresariais dende a súa creación, cunha xornada de portas abertas
25 septiembre, 2018Éxito da xornada de portas abertas no CEI Nodus, un dos piares das políticas de dinamización económica do Goberno
28 septiembre, 2018O Concello mantén por 5º mes consecutivo o período de pago aos provedores por debaixo do límite legal
O Concello de Lugo mantén por 5º mes consecutivo o Período Medio de Pago (PMP) aos provedores por debaixo do límite legal, ao render en agosto un prazo de 10 días. Así o anunciou o Goberno, a través da Concelleira de Economía, Ana Prieto, no pleno ordinario deste martes. O PMP é un dato público e oficial que a entidade local debe render todos os meses ao Ministerio de Facenda, de feito, publícase na súa páxina web, www.lugo.gal
En abril o PMP foi de 16 días, en maio de 27, en xuño de 17, en xullo de 8 e en agosto de 10. Prieto destacou que a “progresión é moi positiva, a pesar dos malos presaxios da oposición, que, en vez de contribuír a propoñer enriba da mesa posibles solucións a un problema que efectivamente tivemos, durante todo este tempo non fixeron máis que atacar ao Goberno con este tema, mesmo vetando, como foi o caso do Partido Popular, ata catro veces o pago a provedores en Pleno. Sempre dixemos que iamos a mellorar, e estámolo facendo”. Como puxo de manifesto a Concelleira, o bo dato do Concello de Lugo, froito fun eficaz modelo de xestión, contrasta co de outras grandes cidades, como Ourense, que está nos 100 días, Santiago, nos 65 días, ou A Coruña, en 54 días.
