O Concello organiza unha xornada de portas abertas na cafetería do CEI Nodus o día 18 para que os interesados coñezan as instalacións
13 septiembre, 2024
O Coliving Municipal do Carme acolle este mércores a inauguración da intervención ‘Distinta, pero a mesma’ da artista lucense Sabela Eiriz
24 septiembre, 2024Hostaleiros interesados na cafetería do CEI Nodus visitaron este mércores as instalacións desta dotación municipal
A nova convocatoria para presentar ofertas permanecerá aberta ata o 24 de setembro. O Executivo de Alvarellos flexibilizou as condicións para facer máis atractiva a concesión.
Rebaixouse o canon a 500 euros ao mes, flexibilizouse a experiencia previa en hostalería ata os últimos 10 anos e permitirase o peche do establecemento 15 días ao ano.
A licitación atópase publicada no perfil do contratante do Concello de Lugo na Plataforma de Contratación do Sector Público e no Boletín Oficial da Provincia.
Hostaleiros interesados na cafetería do Centro de Empresas e Innovación (CEI-Nodus) visitaron este mércores as instalacións e puideron coñecer de primeira man o seu equipamento. Fixérono durante a xornada de portas abertas organizada polo goberno local, na que participaron catro emprendedores. O Executivo de Paula Alvarellos retomou o proceso de adxudicación desta dotación municipal ofrecendo unhas condicións máis vantaxosas para facer máis atractiva a concesión.
Deste xeito, rebaixouse o canon a 500 euros ao mes –6.000 euros ao ano, polos 9.600 da primeira convocatoria–; ampliouse o requisito da experiencia previa en hostalería ata os últimos 10 anos, tendo en conta que no primeiro proceso se esixía que esta fose demostrable nos últimos 5 anos e permitirase o peche do establecemento durante o período estival durante 15 días.
A nova convocatoria permanecerá aberta ata o vindeiro 24 de setembro, cando remata o prazo de presentación das solicitudes de participación e ofertas económicas. A duración da concesión será dun mínimo de dous anos, a partires da sinatura da acta de inicio da explotación e, rematado este período, poderase prorrogar por acordo mutuo das partes por períodos máximos anuais ata un máximo de oito anos máis, sen que a duración total do contrato, incluídas as prórrogas poida exceder de dez anos.
A licitación atópase publicada no perfil do contratante do Concello de Lugo na Plataforma de Contratación do Sector Público e no Boletín Oficial da Provincia.
