O mundo da robótica e a impresión 3D protagonistas na quinta edición do ArduinoDay, co que colabora o Concello
7 mayo, 2018Concello, Deputación e FADAS promoven o labor social de 15 colectivos lucenses coa 2ª Feira de Asociacións
9 mayo, 2018Os actos arrancaron coa lectura na Praza Maior dun manifesto conmemorativo a cargo da Concelleira de Economía. Pola tarde, os nenos e nenas poderán participar en actividade e xogos tamén diante do Concello
O Concello de Lugo organizou este mércores, con motivo do Día de Europa, un programa de actividades divulgativas co fin de achegar á cidadanía a realidade europea e poñer en valor a pertenza á UE. Os actos, impulsados polo centro de información europea municipal, Europe Direct, arrancaron coa lectura do manifesto conmemorativo a cargo da Concelleira de Economía, Emprego e Desenvolvemento Económico, Ana Prieto, no que participaron membros da Corporación municipal, xunto ao deputado provincial de Deportes, Pablo Rivera, e o subdelegado do Goberno, Ramón Carballo.
O manifesto ao que puxo voz Prieto pon en valor “os 68 anos de paz, unidade, liberdade, respecto, igualdade e convivencia cidadá” en Europa, ao tempo que fai un chamamento a superar o “mal momento” que atravesa a UE e loitar pola “unidade e a colaboración europea, máis necesaria ca nunca”. Destaca así mesmo a contribución de Europa “á mellora da calidade de vida” dos lucenses a través de fondos destinados a “recuperar espazos públicos para o seu uso público, a formación, o impulso do emprego ou a difusión do patrimonio”.
No marco das actividades conmemorativas do Día de Europa, esta mañá, no Espazo Lab, houbo actividades para os escolares, e xa de tarde, dende as 18:00 ás 20:00 horas, baixo o lema Celebrando Europa, haberá unha programación tamén especialmente dedicada aos nenos e nenas de Lugo, con diversos xogos e actividades infantís. Instalarase ademais un photocall e unha mesa informativa sobre os proxectos do Concello financiados con fondos europeos, especialmente a estratexia Edusi, denominada Muramiñae: da Muralla ao Miño, cofinanciada nun 80% polo Fondo Europeo de Desenvolvemento Rexional (FEDER).
