Dinamización do barrio da Tinería

Viveiro de empresas da Tinería

Cesión do Concello de Lugo en réxime de aluguer por un período de catro anos de 9 locais comerciais no barrio da Tinería, para a dinamización comercial, económica e social da zona.A renda será 20% do que lle custa ao Concello o arrendamento dos locais ao Insituto Galego de vivenda e Solo. Deste xeito, a entidade local achega o 80% restante. Os importes oscilan entre os 10€ ao mes do inmoble con menor superficie aos 72€ do máis grande (IVE incluído).

Mediante esta iniciativa, ponse en valor a zona da Tinería, cedendo, en réxime de aluguer, o uso de nove locais comerciais baleiros, de titularidade da Xunta de Galicia, e cedidos ao Concello de Lugo mediante contratos de alugueiro durante 5 anos prorrogables.

O Concello responsabilizase da súa cesión, para que poidan servir de apoio a emprendedores, entidades empresariais, etc. creando y xerando emprego e actividade económica, que os convertan en instrumentos de dinamización socio laboral, empresarial, económica e cultural, contribuíndo a rexeneración dunha zona emblemática da nosa cidade, como é a Tinería.

A finalidade deste proxecto é o de impulsar a creación, promoción e consolidación de empresas mediante a adxudicación de locais, en réxime de alugueiro, e facilitarase o acceso aos mesmos mediante a o financiamento por parte do concello do 80% da renda a satisfacer por cada arrendatario/a.

O impulso que recibirá esta zona coa posta en marcha de actividade nos 9 locais comerciais dos que se dispón, creeará actividade comercial suficiente que propicie que outros locais da zona tamén resulten atractivos para iniciar novas actividades comerciais. Entendemos a posta en marcha destes 9 locais como un impulso necesario para que o atractivo da zona se visualice, para atraer novos comercios, despachos profesionais, etc.